O Le Gafa Le Motu O Savai’i

O le Gafa O Savai’i i Samoa.

Na usu Pili le So’ofili ia Tuamanu Leleilenimo faaee le gafa: – Apaula (tama). Usu Apaula ia Ufifuipapa le tuafafine o Te’epo, faaee le gafa: – Lealali (tama). Usu Lealali ia Sinalegogo le alo o Leutelelei’ite o Falefa i le Anoama’a i Sasa’e, faaee le gafa: – Salevaogogo (tama) ma Sausi (tama). Toe usu Lealali ia Ma’elelegaaletoelau le alo o Tuisafua o Iva Fa’asalele’aga Savai’i, faaee le gafa: -Tupa’imatuna (tama) Tupa’ilelei (tama) Tupa’isiva (tama).

Ona fai ai lea o tofiga a Lealali i lana fanau, O Salevaogogo ma Sausi e nonofo i Leulumoega ma pule fo’i i le ‘Tuia’ana’. A o Tupa’imatuna, Tupa’ilelei ma Tupa’isiva o le a o e Ali’i-fai le motu o Savai’i. O Tupa’ilelei ua a’ave tala i le aulelei lea na mana’o iai le afafine o le Tui-toga le tama’ita’i o Laufafaofoga, ma faimalaga mai loa i Samoa le nuu o Iva i le Fa’asaleleaga. Ae i’u ai na nonofo le tama’ita’i ma Tupa’imatuna. O le la faigamalaga i le vaa i toga na afatia i le vasa le matagi ua sili atu ai lo la vaa i fiti ae fanau loa le tama’ita’i o Laufafaofoga, ma faainoa ai loa le la tama ia “Va’asili’ifiti”ma nonofo ai fo’i i fiti. Peita’i ua agaleaga le tama’ita’i o Laufafaofoga ia Tupa’imatuna ma lona atali’i ae ua fia fai tane i le alii fiti o “Lautala” ona fanau ai lea o le tama’ita’i e to’atolu: – Ututauofiti (tama) e iai Matautu i le Gagaemauga. Tauaofiti (tama) e iai Sataua. Legaotuitoga (teine) e iai le itu Salega. __ Ae peita’i ane ua toe usu iai Tupa’imatuna ia Laufafaofoga, faaee le gafa: – Toluosamoa (tama). lea e iai Safotu.

Na usu lea o Va’asili’ifiti le alo o Tupa’imatuna ia Malelegaosavai’i le tama’ita’i tufutafoe, faaee le gafa: – Va’asiliuli (tama). Toe usu Va’asili’ifiti ia Teegaga le tama’ita’i Sagaga, Tuamasaga, faaee le gafa: – Tagaloa Funefeai (tama). Toe usu Va’asili’ifiti ia Teesoa le tama’ita’i Sale’imoa, faaee le gafa: – La’ifai (tama). Usu La’ifai ia Matuaetali le alo o le Tuia’ana Tiasiutele o Falese’ela, faaee le gafa: – Tolulafai (tama) e iai Safotu lafai. Talalafai (tama) e iai Iva. Tupa’iloa (tama) e iai Falealupo. Tupa’ilelealoa (tama) e iai Sataua. Tupa’ifaaulu (tama) e iai Neiafu. Tupa’ilefao (tama) e iai Asau. Muliagalafai (tama) e iai Fale-salemuliaga.

– –

~ by Christian Brown on August 8, 2008.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: