Story And Title (Ao) Tonumaipe’a: Warrior Goddess Nafanua Genealogy

THE TITLE: AO TONUMAIPE’A

Leutogitupaitea the daughter of Pouliofataoletagaloa lived with Tui-Toga Manaia, a brother of Tui-Toga Faisautele.

Besides her a Togan woman lived with the same man, and she gave birth to a child; and filled with envy, Leutogi spoke to the Togan woman: Come let us go and bathe together. When they had arrived at the bathing place the tongan woman said to Leutogi: hold my boy, I want to bathe first! When Leutogi had the boy in her arms she took the rib of a coconut leaf and thrust it into the boys head. The little one began to scream, and when he wouldn’t stop she took him back to the house, where soon died. The Togan woman looked for the cause of his death and found the hole in his head and accused Leutogi of murder. When Tui-toga saw that she was guilty he sent out his people to gather wood and rocks for the construction of a large oven. They piled up the wood under a fetau tree and placed Leutogi in the branches of the tree; then they lid the wood pile. However when the flames began to rise, large swarms of flying foxes came and let their water out on the fire so that it died.

When Tui-Toga saw that his scheme had failed, he marooned Leutogi on a desolate deserted island. There was nothing there but sand and rocks, nothing green; and a demon, a aitu, roamed about. But he didn’t harm the woman, for he though that she would soon die of thirst and famine. But when her need was great, the flying foxes came and brought her fruits of the Ifi tree, breadfruit and wood, so she could cook. As she ate, the aitu looked at her in amazedment, for he did not know how she had come to have food. One day Tui-Uea passed by the island. He took Leutogi with him; henceforth she lived with him and bore him a son, Fa’asega.

When he had grown up, his mother sent him to Samoa to her family in Savaii, giving him three names for him to convey:
Tonumaipe’a; the right thing, the rescue was brought about by the pe’a, the flying foxes.
Tilomai; he looks on, the aitu, as she ate (sa’oaualuma name of Tonumaipe’a).
Tauiliili; covered with small rocks, the food in the oven, instead of with leaves, of which there was none.

Genealogy of Leutogitupaitea, the founder of the Tonumaipe’a title, and her lineage down to Tuaetali the wife of Tonumaipe’a Saumaipe’a:

Usu Le Fa’asau ia Le’unu’unu, faaee le gafa o Sevelefatafata (teine)
Usuia Sevelefatafata e Sealiimatafaga, faaee le gafa o Sagataetuga (teine)
Usuia Sagataetuga e le Tuiasau, faaee le gafa o Poulifataiatagaloa (teine)
Usuia Poulifataiatagaloa e Le Muliaga, faaee le gafa o Lafaitaulupo’o, ma Leutogitupaitea (teine)
USUGA A LAFAITAULUPO’O:
Usu Lafaitaulupo’o ia Momoitanumaga le afafine o Va’oto i Falelima, faaee le gafa o Lafaialii.
Usu Lafaialii ia Fogavai mai Palauli, faaee le gafa o Lafainatau.
Toe usu Lafaitaulupo’o ia Leseleaaiga le afafine o Mosotele i Vaisala, faaee le gafa o Luapitofanua, ma Lelauaganatalia (teine)
Usuia Lelauaganatalia e Pulusau i Salelologa, faaee le gafa o Fa’anapulu (teine).
USUGA A LEUTOGITUPAITEA:
Usuia Leutogitupaitea e le Tui-Uea, faaee le gafa o Fa’asega.
Usu Fa’asega ia Leutogitui le afafine o le Folasa i Falelima, faaee le gafa o Finetele (teine)
Usuia Finetele e Letufugatasi i Saleaula, faaee le gafa o Tologauvale (teine), ma Uluifuga (teine).
Usuia Tologauvale e le Tuma’ai i Safotulafai, faaee le gafa o Fulisiailagitele (teine)
Usuia Fulisiailagitele e La’ulunofovaleane mai Tufu Gataivai, faaee le gafa o Tuaetali (teine)
Usuia Tuaetali e le Tonumaipe’a Saumaipe’a, faaee le gafa o Tonumaipe’a Tapumanaia.

THE TONUMAIPE’A LINE: NAFANUA: LEVALASI SO’OAEMALELAGI

1. Usu Savea Si’uleo ia Pi’ilua (Tilafaiga), fa’aee le gafa: Suaolefanua (teine), ma Nafanua (teine).
2. Usuia NAFANUA e le Tui-Toga Manaia, fa’aee le gafa: o Latuvai (teine).
3. Usuia Latuvai e Mimisapu’a Faia’ai i Savaii, fa’aee le gafa: o Faletapa’au (teine), ma Taigalugalu (teine).
4. Usuia Taigalugalu e Lilomaiava Seve i Safotu, fa’aee le gafa: o Foalo (teine).
5. Usuia Foalo e Lologaapivao i Samata, fa’aee le gafa: o Maisina (teine).
6. Usuia Maisina e Fouafafa’asani i Tuamasaga, fa’aee le gafa: o Masu (teine), ma Leanui (teine).
7. Usuia Leanui e Leuluafi i Fogasavai’i, fa’aee le gafa: o Mo’oui (teine).
8. Usuia Mo’oui e Lafainatau i Palauli, fa’aee le gafa: o Tonumaipe’a Sauoaiga.
9. Usu le Tonumaipe’a Sauoaiga ia Leato Ugauga-a-tui-toga le afafine o Sanalala i Safata, fa’aee le gafa: o Tau’iliili, ma Tupa’ivaililigi, ma Levalasi po’o So’oaemalelagi (teine: fa’avae ole “AIGA SA-LEVALASI” ATUA).
10. Usu #1 Tau’iliili ia Liutogitui le afafine o Tuifa’asisina i Satapuala, fa’aee le gafa: o Tonumaipe’a Saumaipe’a, ma Valasi-I-Ologa (teine).
11. Usuia Valasi-I-Ologa e Fausiaitama’i, fa’aee le gafa o Tauatamaniula’aita (tama).
(Ole taua na auina ai e Nafanua Tauili’ili ma Tupa’ivaililigi e fa’ato’ilalo le Malo o Tagaloa Sefa’aofonuu. O mea na tau ai le taua o niu-la’aita, ma na i’u ai ina gagase uma au tau ma fai ai mavaega ma tofiga mo le filemu ole Ao Tonumaipe’a, ma le Tagaloa. Ae fanau loa le tama a Valasi-i-Ologa le alo o Tauiliili, tu’u loa iai e Nafanua le fa’atufugaga ma fa’aigoa le tama ia Tauatamaniula’aita e fa’amanatu ai le taua na faia i niu la’aita. Ua matua le tama ona ave lea iai ole fa’amanuiga, o ia ole Agai-o-Tupu o Samoa. Ona fau ai lea o lona fale e ta’ua ole ‘Faleulu’, ole ulua’i Maota afolau lea o Samoa).
12. Toe usu #2 Tau’iliili ia So’oaemalelagi le afafine o Tuia’ana Vaema, fa’aee le gafa: o So’oaemalelagi (teine).
13. Toe usu #3 Tau’ilili ia Moeleoi le afafine o Tuisamoa i Falealili, fa’aee le gafa: o Ali’imalemanu, ma Tu’uauato (teine).
14. Usu #1 Tonumaipe’a Saumaipe’a ia Tuaetali le afafine o La’ulunofovaleane i Gataivai, fa’aee le gafa: o Tonumaipe’a Tapumanaia.
15. Toe usu #2 Tonumaipe’a Saumaipe’a ia Sivalavala le afafine o Anafili i Sala’ilua, fa’aee le gafa: o Uati (teine), ma Tagaloato.
16. Usu Tonumaipe’a Tapumanaia ia Salamasina le ulua’i Tupu Tafa’ifa, fa’aee le gafa: o Fofoaivaoese (teine), ma Tapumanaia (Tapuolesatele).
USUIA TUIA’ANA TUIATUA FOFOAIVAOESE E TAUATAMANIULA’AITA:
1. Usuia Tuia’ana Tuiatua Fofoaivaoese e Tauatamaniula’aita le alo o Valasi-I-Ologa ole Aiga Tonumaipe’a, faaee le gafa: o Taufau, Sina, ma Asomua Lemalama (tama).
2. Usuia Tuia’ana Tuiatua Sina e Tito’iaivao o Faleatiu i A’ana, fa’aee le gafa: o Faumuina Le Tupufia.
3. Usu Tuia’ana Tuiatua Faumuina le Tupufia ia Manalelei Talaleomalie le alo o Vaovasa o Gataivai i Savai’i, fa’aee le gafa: o Fonoti Le Tupu Tafa’ifa. (tama: the Fonoti title held by Hon Fonoti Mata’utia Ioane Brown of Lotofaga Atua).
(Ole mavaega a le Tupu o Fonoti ma lona uso o Va’afusuaga Tole’afoa e fa’apea: O Papa e fa, o le a ia te a’u ma la’u fanau, a’o le Ao o le Tonumaipe’a, o le a ia te oe ma lau fanau. O le a e saofia le Aumaga, o le mea lea e ta’ua ai le Aumaga e pa’ia. Ona o le Ao o Tonumaipe’a ua i ai, E te afio i le fala, Na’o oe lava e te nofo i le fala i fafo, E sa seisi o le Aumaga e nofo ise fala. A uma ona mama o le ava, e tu lava le tagata i luga ma lana maga’ava ma tu’u i le tanoa, a’o lau maga’ava e tu mai se tasi na te avatua, ona aumai lea o le tanoa tu i ou luma. A leai se Tupu e alagaina e Tumua, O le a e Tuia’ana Ave’aumalaga! 0 le a fa’asino fo’i ia te oe upu o le Aualuma. O lou Aualuma o le a tausi e Leulumoega ma e na ta i Fasito’otai ma Fasito’outa).
USUGA A TAPUOLESATELE: FA’AVAE OLE MATA’UTIA SI’ITUAOI O SATAUA SAVAI’I:
1. Usu Tapumanaia Tapuolesatele ia Papanofoa le alo o le tama’ita’i o Leauluga i Foga’avi’i i Sataua, fa’aee le gafa: o Mata’utia Si’ituaoi (tama: the Mata’utia title held by Hon Fonoti Mata’utia Ioane Brown of Lotofaga Atua).
2. Usu Mata’utia Si’ituaoi ia A’aone le alo o Seve i Sataua, fa’aee le gafa: o Mata’utia Utufa’apae (tama), ma Moaselupe (i)-(tama).
3. Usu Mata’utia Utufa’apae ia Fuatino le alo o Salafaioti o Tafua i Savai’i, fa’aee le gafa: o Mata’utia Le’ipumalama (tama), ma Tagitagiu’amea (tama).
4. Usu Mata’utia Le’ipumalama ia Sina le alo o Suisala o Sataua, fa’aee le gafa: o Mata’utia Moaselupe (ii)-(tama), ma Mata’utia Manulesa (tama).

TALA IA LEUTOGITUPA’ITEA: MAFUA’AGA OLE SUAFA TONUMAIPE’A

O le tama’ita’i lenei Leutogitupa’itea o Falealupo lona nu’u, o le alo fo’i o le isi Muliaga ma lona tuagane o Lafaitaulupo’o. O le tama’ita’i la lenei na avea ma Masiofo a le Tui-Toga i aso ua mavae, a’o le tupu lenei e to’alua ana masiofo. E fanau la le masiofo Toga, ae le fanau Leutogitupaitea. O se luma i le teine Samoa lona le fanau, ua foliga fo’i o le a fai ia ma tausi tama, a le masiofo Toga.

Ona o’o lea i le isi aso ona fa’apea mai lea o le Masiofo Toga ia Leutogitupa’itea, se’i e tago mai lava i si au tama se’i o ma o ma le tupu e fa’amalu. Ona tago atu lea o Leutogitupa’itea i le tamaititi ma lona loto tiga tele. Ona tago loa lea i le tianiu ua tutui ai le ulu o le pepe, ae saisai lona gutu i le fasi siapo. Ua oti le tamaititi ona tago lea o Leutogitupa’itea ua fa’amoe ae fa’apulou le siapo. Ua fo’i mai le fa’amaluga a le tupu ma lona masiofo Toga. Ona fai atu lea o Leutogitupa’itea le tama lena e moe, ae se’i o’u alu ou te ta’ele. Ua alu le teine ae tago atu le Masiofo Toga i lana tama ua oti. Ona tagi loa lea ma vala’au i le tupu Tui-Toga ua fasioti e le fafine Samoa le Aloali’i o le Malo. Ona fono ai loa lea o le aufono a le Tupu Toga, maua ai le fa’aiuga o le a susunu o le teine Samoa. Ona la’u lea o le fafie i le mea e masani ona susunu ai tagata fa’asala a’o iai tagata totolua i Toga. E Samoa Tama, ae Toga Tina, ona fai atu lea o Tama nei e aumai le teine matou te o e ave i le mea e susunu ai.

Ona o lea o tama nei ua le tu’ua i le afi ae ua o atu fa’ati’eti’e i le maga o le fetau. O le faliu mai o le teine i Samoa ma tautala to’atasi fa’apea se’i iloa e lou aiga lenei fa’asalaga fia maua se fesoasoani. Ona lagona lea i tino e Lafaitaulupo’o le tuagane o Leutogi pei lava o iai se mea o tupu i Toga isi ona tuafafine. Ona alu ane lea o le tama ua tatala lana pa pe’a ae tutuli i Toga e va’ai Leutogitupa’itea. E taunu’u pe’a o le a o’o le afi ia Leutogi fai loa le tonu a pe’a i le afi. Ona pe ai lea o le afi ae ola ai Leutogitupa’itea.

O le mafua’aga lenei o le suafa “Tonumaipe’a”. Ua alu atu le asiasiga a le Tui-Toga fa’apea ua oti le teine, ae va’ai atu o lo’o ola o ti’eti’e mai i le maga o le fetau. Maua ai loa le isi o fuaitau “Ua feiloa’i i Magafetau ola e pei o le tala ia Leutogitupa’itea”. Ona ave lea o le teine i le motu tu’ufua ua tu’u ai pe maua ai sona fesoasoani.

Ua o atu pe’a ma avatu le afi o fai ula e fai ai mea’ai a le teine. Ona fai lea o lana umu ua leai ni laufa’i po’o ni lau ta’amu e taufi ai. Ona tau lea i iliili, ona maua ai lea o le suafa “Tauiliili”, ua susu’e le suavai a le tama’ita’i ona fai lea o lana mea’ai ae va’ai atu o tilotilo mai le ilamutu o le motu. Ona maua ai lea o le isi o suafa o “Tilomai”. Ua o’o i le isi taeao ona alu lea o Leutogitupa’itea ua tutu i le Matafaga ma tilotilo i tai, ua va’aia e le teine se va’a o lo’o alu ane i tai ona talotalo lea iai o le teine e afe ane i uta.

Ua afe le va’a ma iloa ai o le va’a o le Tui-Uea ma le auva’a e o e sa’ili se Masiofo a lo latou tupu o Tui-Uea. Ona fai ai lea o Leutogitupa’itea o lo’o su’e fo’i sona to’alua. Ona ave ai loa lea o le teine o Leutogitupa’itea ua fai ma Masiofo a le Tui-Uea. Ua fanau ai le teine i le Tui-Uea o le tama. Ona fa’aaioga loa lea o le tama ia “Fa’asega”, ua maua se olaga fiafia e le teine o Leutogitaupa’itea ina ua maua si ana tama.

Ua matua le tama, a’o o lo’o iai pea suafa nei e tolu o lo’o taofi mau pea e Leutogitupa’itea mai Toga ma le isi motu tu’ufua o Toga: o Tonumaipe’a, Tauiliili ma le Tilomai. Ua matua Leutogitupa’itea ae ua mana’o e aumai suafa e tolu ia i Samoa e fa’atino ai i lona aiga ma le nu’u po’o le atunu’u fo’i. Ona o’o lea i le isi aso ona fa’anoi lea o Leutogitupa’itea i le Tui-Uea e malie ae se’i sau le tama o Fa’asega i Samoa e momoli mai suafa nei i lona aiga.

Ona malie lea o le Tui-Uea e sau le tama. Ona tago lea o Leutogitupa’itea ua su’i ula e tolu. Ona to’otuli lea o le tama o Fa’asega, ae tago le teine togi le isi ula i lona ua ma fa’apea atu, “o le Tonumaipe’a lena, o le tapa’au po’o le Ao o le Alataua. Togi le isi ula o le Tauiliili lena o le Tamali’i. Togi le isi ula ma fa’apea atu o le taupou lena. Ona sau loa lea o le Tama ma suafa nei e tolu i Samoa. O le ulua’i Tonumaipe’a o Sauoaiga o le atali’i o Sauoaiga na suafa ia Tauiliili ma lona afafine o Tilomai po’o Valasi, lea na suia fo’i ia So’oaemalelagi mulimuli ane ai.

GAFA OLE TUPU’AGA O LEUTOGITUPA’ITEA MA LAFAI TAULUPO’O: TONUMAIPE’A: NAFANUA.

Usu La ia Mamagafatua, faaee le gafa o Aloalolela.
Usu Aloalolela ia Sinasegi le alo o le Tui-Fiti, faaee le gafa o Popoto.
Usuia Popoto e Lefaoseu, faaee le gafa o Muli.
Usuia Muli e Lao i Falealupo, faaee le gafa o Saveasi’uleo.
Usu Saveasi’uleo ia Tilafaiga le alo o Ulufanuasese’e, faaee le gafa o NAFANUA.
O NAFANUA e tupuga mai ai Suafanua. Suafanua o lona afafine o Sevelefatafata.
Usuia Sevelefatafata e Sealiimatafaga, faaee le gafa o Segataetuga.
Usuia Segataetuga e Tui Asau Taulauniu, faaee le gafa o Pouliofataletagaloa (teine).
Usuia Pouliofataletagaloa e Muliagalafai, faaee le gafa o Leutogitupa’itea, ma Lafai Taulupo’o.
Gafa o Leutogitupa’itea:
Usuia Leutogitupa’itea e Tui-Uea, faaee le gafa o Fa’asega (tama).
Usu Fa’asega ia Letogitu’i i Falelima, faaee le gafa o Finetele.
Usuia Finetele e Letufugatasi i Saleaula, faaee le gafa o Uluifuga, ma Togogauvale (teine).
Gafa o Lafai Taulupo’o:
Usu Lafai ia Mamoetanumaga le alo o Vaoto i Falelima, faaee le o Lafaiali’i.
Toe Usu Lafai Taulupo’o ia Leseleaiga le alo o Mosolesa i Vaisala, faaee le gafa o Laupitofanua ma Lelauagatalie.
Usuaga a Lafaiali’i:
Usu Lafaialii ia Fitifogavaimai o Palauli, faaee le gafa o Lafainatau.
Usu Lafainatau ia Sinalemooui, faaee le gafa o TONUMAIPEA SAUOAIGA.
Usu le Tonumaipe’a Sauoaiga ia Leato Ugauga-a-tui-toga le afafine o Sanalala i Safata, fa’aee le gafa o Tau’iliili, ma Tupa’ivaililigi, ma Levalasi po’o So’oaemalelagi.

View Related Articles, click on links below:

Link: SatagaloaMaLeAoTonumaipe’a

Link: TauaOPapaEFaTupa’iMa Nafanua

SAMOAN SIAPO

~ by Christian Brown on March 17, 2009.

4 Responses to “Story And Title (Ao) Tonumaipe’a: Warrior Goddess Nafanua Genealogy”

  1. We’re from the Matautia family of Sataua. Would you happen to have any more info on that side of the family?

    Our greatx3 grandfather was Matautia Si’itauoi who married a lady named Itagia of Falealupo, but not sure which family though. their son was Matautia Logovi’i & his son was Matautia Taulalo, all from Sataua.

    any information would be greatly appreciated.

  2. … there’s the other part of the story regarding Taoulupo’o and his pet (white) bat that was sent to Tonga to help Leutogi, I think is important to the story. thanks, N. Pe’a

  3. What a great source of Samoan history, fa’afetai lava

  4. about Popoto..

    O Popoto o le alo o le Tui Fiti i le teine o Matagiolepo na malaga mai i Samoa, ona usu lea iai o MASA o TUFUTAFOE faaee le gafa o le teine o TAUFALEMATAGI, ona usu mai lea iai o ALAO o Falealupo faaee le gafa o Saveasiuleo ma Ulufanuasese’e. usu Ulufanuasese’e ia Sinalalofutu o Falelatai faaee le gafa o le piilua o Taema ma Tilafaiga, ona toe usu lea o Saveasiuleo ia Tilafaiga le afafine o lona uso faae’e le gafa o NAFANUA. (o I NA TAUNUU AI LE MAVAEGA A LE AUSO LEA NA FAI I LE ONETAI I VAOTO..faimai Saveasiuleo ia Ulufanuasese’e “O LE OU ALU OU TE NOFO I PULOTU AE TA TE TOE FEILOAI I IU O GAFA”..Soifua o MOMOEMAUSU FARANI.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: